Əmlak Sığortası

   Sığortalı şəhərdə rahat həyat

   Hər kəsin xoşbəxt yaşamaq, illərdir qazandığı evinin, bağının, biznes obyektinin xeyrini görmək haqqı var. Baş verə biləcək hər-hansı bədbəxt hadisəni öncədən görmək çox çətindir, lakin onun fəsadlarını aradan qaldırmaq sosial bir vəzifədir. Yıxılanı ayağa qaldırmaq, ehtiyacı olana kömək etmək və təəssübkeşlik göstərmək hər bir azərbaycanlının sahib olduğu dəyərlərdəndir. PAŞA Sığorta məhz bu dəyərləri əsas götürərək, bütün vətəndaşları öz əmlaklarını sığortalamağa səsləyir.

   PAŞA Sığortada sığortalanmağın üstünlükləri:

• Ölkəmizin güvənli və lider sığorta şirkətindən yüksək təminat;
• Zərər məbləğin tez bir zamanda ödənilməsi;
• 24 saat ərzində müştəri xidmətinin təminatı.

   Əmlakınızı nə üçün sığortalamalısınız?

   Daşqın, sel, yanğın, ildırım düşməsi, xüsusi ilə də (respublikanın tektonik zonada yerləşməsi səbəbindən) zəlzələ, yer sürüşməsi və digər təbii fəlakətlər Azərbaycanda nadir rast gəlinən hallar deyil. Bu kimi yüksək zərərli hadisələrdən sığortalanmaq üçün əmlakınız üzrə icbari sığorta əldə etməniz çox vacibdir, çünki həyatda sahib olduğunuz maddi sərvətlərin sırasında ən önəmli yerlərdən birini məhz eviniz tutur.

   Daşınmaz Əmlakın İcbari Sığortası

   Daşınmaz əmlakın icbari sığortası daşınmaz əmlakın yuxarıda qeyd olunan hadisələr nəticəsində zədələnməsi, məhv olması və ya hər-hansı formada itkisi ilə bağlı dəyən zərərin əvəzinin ödənilməsi məqsədini daşıyır.

   Yaşayış evləri və mənzillər üçün icbari sığorta üzrə sığorta haqları, sığorta və şərtsiz azadolma məbləğləri

   Bakı şəhərində yerləşən daşınmaz əmlak üzrə:

   Gəncə, Sumqayıt və Naxçıvan şəhərlərində yerləşən daşınmaz əmlak üzrə:

   Digər şəhər və bölgələrdə yerləşən daşınmaz əmlak üzrə:

   Daşınmaz əmlakın aşağıdakı hallar nəticəsində zədələnməsi, məhv olunması, yaxud hər hansı digər formada itkisi sığorta hadisəsi hesab olunur:

• Yanğın, ildırım düşməsi;
• Məişətdə və istehsalatda istifadə olunan qazın partlayışı;
• Elektrik naqillərində baş verən qısa qapanma;
• Buxar qazanlarının, qaz anbarlarının, qaz kəmərlərinin, maşınların, aparatların və digər oxşar qurğuların və cihazların partlayışı;
• Subasma, su, istilik, kanalizasiya kəmərlərinin və yanğın söndürmə sistemlərinin qəzası, subasma;
• Hər hansı predmetin və onun hissələrinin düşməsi, atılması, dəyməsi, dağılması, axıdılması;
• Yerüstü nəqliyat vasitəsinin dəyməsi;
• Zəlzələ, vulkan, fırtına, qasırğa, tufan, dolu, sel, daşqın, yer sürüşməsi, leysan və digər təbii fəlakətlər;
• Üçüncü şəxsin/şəxslərin qanuna zidd hərəkətləri.

   Daşınmaz əmlakın aşağıdakı hallar nəticəsində zədələnməsi, məhv olması və ya hər-hansı digər formada itkisi sığorta hadisəsi hesab olunmur:

• Sığortalının və ya faydalanan şəxsin hadisənin qəsdən baş verməsinə yönəldilmiş hərəkətləri;
• Sığortalanmış əmlaka təmir, emal və ya digər istehsalat məqsədləri üçün tədbiq olunan istehsal alovunun, yaxud yanğın baş vermədiyi təqdirdə belə istiliyin təsiri nəticəsində əmlaka zərərin dəyməsi;
• Hadisə zamanı və ya hadisədən sonra əmlakın hər-hansı hissəsinin oğurlanması;
• Qrunt sularının səviyyəsinin dəyişməsi;
• Borulardan və ya rezervuarlardan şaxta vurma, aşınma, yeyilmə, tədricən xarab olma, boruların və rezervuarların təmiri, köçürülməsi və ya tutumunun artırılması nəticəsində suyun axması.

   Daşınmaz Əmlakın sığortası ilə bağlı qanun

   Daşınmaz Əmlakın icbari sığortası “İcbari Sığortalar haqqında” Azərbaycan Respublikası Qanununun Xüsusi bölməsinin II fəslində nəzərdə tutulmuşdur. «İcbari Sığortalar haqqında» Qanunun 35.2-ci maddəsinə əsasən, hüquqi və fiziki şəxslərə məxsus tikililərin, yaşayış və qeyri-yaşayış sahələrinin, yaşayış evləri və binalarının, mənzillərin, habelə siyahısı müvafiq icra hakimiyyəti orqanı tərəfindən müəyyənləşdirilən dövlət əmlakının sığortası icbaridir (məcburidir). Azərbaycan Respublikası Prezidenti İlham Əliyevin 28 dekabr 2014-cü il tarixli Fərmanına əsasən «Yerli İcra Hakimiyyətləri haqqında Əsasnamə»yə müvafiq dəyişikliklər edilmişdir və «İcbari sığortalar haqqında» Azərbaycan Respublikasının Qanununa uyğun olaraq mənzillərin icbari qaydada sığortalanmasına nəzarət Yerli İcra Hakimiyyətinə həvalə olunmuşdur. Azərbaycan Respublikasının qanunvericiliyi ilə icazə verilməyən yerlərdə inşa edilmiş, sökülməsi barədə dövlət və ya yerli özünüidarəetmə orqanlarının qərar verdiyi, tikintisi başa çatmayan və qəzalı vəziyyətdə olan yaşayış binaları/mənzillər icbari sığortaya cəlb edilmir.